導讀講起鄭伊健你印象最深刻係咩？係佢拍過嘅電影抑或唱過嘅歌？近日鄭伊健紅館開show成個童年返曬嚟！《友情歲月》呢D經典當然唔少得仲有《全城效應》《極速》《風云....

講起鄭伊健

你印象最深刻係咩？

係佢拍過嘅電影

抑或唱過嘅歌？

近日鄭伊健紅館開show

成個童年返曬嚟！

《友情歲月》呢D經典當然唔少得

仲有《全城效應》《極速》

《風云》《直至消失天與地》

《驚天動地愛戀過》等等

你最鐘意係邊一首呢？

好特別嘅係

伊面仲唱咗《數碼暴龍》

粵語版主題曲《自動勝利》

真係好surprise！

伊面曾經憑呢首歌

成為《2000年度兒歌金曲頒獎典禮》

最受歡迎兒歌男歌手

當年你幾歲呢？

不如一齊嚟回憶下！

唔經唔覺

鄭伊健已經51歲

呢個歲數嘅伊面仍然係型佬一個

身材fit到漏油

現場會上特登著背心show肌

哇你睇佢胸肌幾勁

手瓜幾粗！

平時伊面幾低調

好少聽到佢嘅新聞

but

睇睇fans反應

就知伊面人氣依然好勁

演唱會上唔止又唱又跳

仲表演高難度動作

你話邊忽似「年過半百」？！

勁過好多后生仔啦！

向來鐘意打機嘅伊面

今次更將機械人搬上舞臺

再加埋煙花爆炸效果

睇到大家嘩嘩聲

雖然中途有D小插曲

不過伊面就好淡定

表演依然精彩

鄭太蒙嘉慧都有嚟支持

真係好耐冇見

45歲依然keep得好好！

罕見嘅仲有伊面父母

此外有不少圈中好友都到場支持

除咗多謝老板同團隊

仲特登感謝太太蒙嘉慧

令身處現場嘅鄭太非常冧豬

當然啲fans都睇到好high

見到伊面咁落力演出

可樂君都好佩服佢啊！

你由幾時開始知道鄭伊健噶？

不如嚟留言區「暴露年齡」啦喂！