<span class="answer">導讀</span>正當廣州嘅盛夏，每日8杯水，汗都流返8杯，熱到連飯都冇胃口食...原本諗住落場大雨降降溫，點知氣象局中午發布預警，“學校停課、企業（應）停工”...望一望辦....<p><img alt="廣東在家整瀨粉（廣州又一個即將消失的傳統美食）(1)" src="/static/upload/image/20231217/></p><p>正當廣州嘅盛夏，每日8杯水，汗都流返8杯，熱到連飯都冇胃口食...</p><p>原本諗住落場大雨降降溫，點知氣象局中午發布預警，“學校停課、企業（應）停工”...望一望辦公室里面嘅領導，當呢條預警冇到，剩低嘅小小胃口都冇埋...</p><p><img alt="廣東在家整瀨粉（廣州又一個即將消失的傳統美食）(2)" src="/static/upload/image/20231217/></p><p>雖然冇胃口，但中午都系要食嘢嘅！飯，食唔落；粥，食唔飽；炒粉，太干；湯面，太齋；腸粉，太咸...（我哋羊城網嘅人，食飯就系咁難服侍！）...</p><blockquote><p><strong>難服侍：挑剔，難滿足。</strong></p><p>不過，作為業余美食愛好者嘅我，未到一分鐘，我就揀好咗“好入口、食得飽、唔覺齋、唔重口”嘅美食——<strong>瀨粉</strong>！ </p><p><img alt="廣東在家整瀨粉（廣州又一個即將消失的傳統美食）(3)" src="/static/upload/image/20231217/></p><p>瀨粉呈圓條手指狀，短而粗。最早產于1850年代嘅中山。</p><p>早期制作瀨粉系用稠米漿放入特定嘅壺，喺滾水上方傾倒，米漿從孔中<strong>“瀨”出又長又韌嘅粉條</strong>，入水遇熱即成狀，得名為瀨粉。</p><p>后來改為先煮熟米粉，搓成粉團放喺槽孔中，用木塞擠壓出粉條。瀨粉制成之后，要放入冷水中沖洗，然后再煮食。</p><p><img alt="廣東在家整瀨粉（廣州又一個即將消失的傳統美食）(4)" src="/static/upload/image/20231217/></p><p>可能你會懷疑，瀨粉“好入口、食得飽、唔覺齋、唔重口”，真系咁<strong>緊要</strong>？</p><p>絕對冇<strong>老點</strong>！傳統廣州瀨粉用豬骨湯 米漿做成濃稠湯底，加入花生、蝦米、叉燒、冬菇、油渣、蘿卜粒做配料。瀨粉軟糯，但唔會<strong>滯</strong>。肉唔多，但肉香濃，好入口，更加好消化！</p><blockquote><p><strong>緊要：意思同“厲害”。</strong></p><p><strong>老點：欺騙。</strong></p><p><strong>滯：飽膩感。</strong></p><p><img alt="廣東在家整瀨粉（廣州又一個即將消失的傳統美食）(5)" src="/static/upload/image/20231217/></p><p>單食一碗齋瀨粉，雖然食得飽，但齋瀨粉味道偏淡，可能會覺得有啲齋、<strong>唔夠喉</strong>，為咗令瀨粉嘅口感升級，嗜肉如命嘅廣州人加入叉燒、燒鵝、牛丸...瀨粉變成一碗冇飯嘅“碟頭飯”，一個字：<strong>絕</strong>！</p><blockquote><p><strong>唔夠喉：不過癮。</strong></p><p><strong>絕：意思同“厲害”。</strong></p><p>叉燒瀨</p><p>▼▼</p><p><img alt="廣東在家整瀨粉（廣州又一個即將消失的傳統美食）(6)" src="/static/upload/image/20231217/></p><p>燒鵝瀨</p><p>▼▼</p><p><img alt="廣東在家整瀨粉（廣州又一個即將消失的傳統美食）(7)" src="/static/upload/image/20231217/></p><p>有人鐘意叉燒瀨、燒鵝瀨，一啖瀨粉一啖肉。都有人鐘情于齋瀨粉，加少少咸菜、少少蔥，享受唇齒間嘅“濃香軟滑”。好多外省朋友<strong>拗爆頭</strong>，諗唔明廣州人點解鐘意食咁<strong>“</strong><strong>杰</strong><strong>”</strong>嘅瀨粉。</p><blockquote><p><strong>拗爆頭：苦思冥想。</strong></p><p><strong>杰：粘稠。</strong></p><p>呢個問題，全廣州最出名嘅文明路“老西關瀨粉”嘅老板<strong>伍文輝</strong>咁樣回應：<strong>我哋西關就系咁食嘅，你鐘意食就嚟食，唔鐘意就食其他！</strong></p><p>老西關瀨粉</p><p>▼▼</p><p><img alt="廣東在家整瀨粉（廣州又一個即將消失的傳統美食）(8)" src="/static/upload/image/20231217/></p><p>好多人都話“粵菜沒落”，瀨粉其實都系其中之一。</p><p><strong>曾幾何時，橫街窄巷都有瀨粉坐鎮，街邊走鬼都有瀨粉嘅濃香。</strong></p><p><strong>時至今日，老廣想食瀨粉舉步維艱，后生一輩偏愛拉面同意粉。</strong></p><p>曾經有人建議伍先生，將瀨粉湯底“調稀”，加入辣、酸辣口味，但伍先生都一一回絕，堅持傳統做法，佢始終相信：<strong>鐘意食嘅人，一定會返嚟食！</strong></p><p>蔡瀾先生為“老西關瀨粉”題字</p><p>▼▼</p><p><img alt="廣東在家整瀨粉（廣州又一個即將消失的傳統美食）(9)" src="/static/upload/image/20231217/></p><p>對于“粵菜沒落”呢個命題，魯迅先生多年前嘅一句話，已經總結咗原因：</p><p><strong>「粵菜本沒有沒落，吃的人少了，也就成了“沒落”。</strong><strong>」</strong></p><p><img alt="廣東在家整瀨粉（廣州又一個即將消失的傳統美食）(10)" src="/static/upload/image/20231217/></p><p><img alt="廣東在家整瀨粉（廣州又一個即將消失的傳統美食）(11)" src="/static/upload/image/20231217/></p></blockquote></blockquote></blockquote><span class="copyright">免責聲明：</span>本文由用戶上傳，如有侵權請聯系刪除！