導讀尋日可樂君為大家介紹咗廣州市內各式特色料理，大家睇咗未？有冇揀出自己心水呢？?嗱~除咗美味嘅特色料理，廣州仲有好多充滿奇思妙想嘅特色飲料或cocktail，....

尋日

可樂君為大家介紹咗

廣州市內各式特色料理，

大家睇咗未？

有冇揀出自己心水呢？

?

嗱~

除咗美味嘅特色料理，

廣州仲有好多充滿奇思妙想嘅

特色飲料或cocktail，

今期可樂君帶你哋一齊look look！

2020 follow可樂揾食——

《可樂生活》美食大賞

（特色飲品篇）

?

Auntea care 姨媽熱飲

特色飲品：洛神山楂玫瑰大紅瓶

底湯采用若羌灰棗、儲良貢品桂圓、中寧枸杞，每日熬制一小時制成。飲品散發著花香與紅棗香，自帶天然甜味。整體味道比較濃郁，酸酸甜甜，更有美容養顏功效！

C.C.z咖啡公司

特色飲品：超級咖啡筒

覆蓋著黑朱古力嘅甜筒，每日新鮮制作，口感卜卜脆。濃郁嘅咖啡與sweet嘅甜筒，形成強烈嘅口味對比。一口甜筒，一口咖啡，味道就會中和，既不會太甜，亦不會太苦！

hom coffee

特色飲品：焦糖黑拿鐵

水泥色漸變分層，勾起不少人好奇心！其實佢係一杯采用牛奶、炭粉以及焦糖制作，不含咖啡因嘅飲品。口味方面，比較適合偏愛甜味嘅小伙伴！

MR.ROCKY洛奇先生餐吧

特色飲品：夜之精靈

采用最簡單嘅方式，將四洛克暗夜雞尾酒，與野格利口酒充分融合制成。當巨型泡泡爆破一刻，傾瀉下來嘅煙霧透著涼意，令呢款特別嘅cocktail，顯得更為冰涼清爽！

Till Late Studio調理酒室

特色飲品：阿凡達冰沙

孟買藍寶石金酒與圣哲曼接骨木花力嬌酒作為基酒，加入新鮮檸檬、新鮮西柚、蘇打水以及荔枝糖漿、藍柑糖漿調制。冰藍色嘅冰沙，望落都夠曬冰爽，亦可以揀無酒精版本噶！

大佬峰巴士

特色飲品：越南咖啡

喺本土茶餐廳飲越南咖啡，都幾有意思！越南手工咖啡壺中，放入越南咖啡粉，倒入熱水后經過5分鐘滴漏。將咖啡與底部煉奶攪拌均勻飲用，味道十分香甜！

彈王檸茶

特色飲品：新抱茶

呢杯係新式手搖氣泡檸檬茶，簡稱“新抱茶”！秘制斯里蘭卡紅茶底，加上香水檸檬與南非黃檸“雙劍合璧”，清爽fresh。再混合氣泡充盈嘅泰國象牌梳打水，非常醒神！

酒癮咖啡

特色飲品：煙霧冰滴

煙霧由威士忌加干冰而成，提取出威士忌嘅香氣。將煙霧傾瀉到裝有冰滴咖啡嘅香檳杯中，營造出“仙氣繚繞”嘅效果。飲嘅時候先聞到威士忌香氣，再感受冰滴咖啡風味，充滿層次感！

炑埜烏龍茶院

特色飲品：馬蹄烏龍

茶底由紅茶、烏龍拼配而成，加入咗香水檸檬制作，茶香、檸香具備，十分清新。再添上本土食材新鮮馬蹄，飲嘅時候可以食到清甜嘅馬蹄粒粒，有種獨特嶺南風情！

兔子角落·吐司專門店

特色飲品：咖啡檸檬茶

門店主打手作飲品之一，名稱看似直白，其實唔係字面望落咁單純。呢杯飲品用特制茶底制作，茶底加入咗帶咖啡味嘅中草藥。既有傳統檸檬紅茶嘅感覺，又會透出淡淡咖啡味。

午潼茶飲

特色飲品：粉粉茉香

茉莉花茶茶底，加上牛奶以及新鮮火龍果汁制作，底部仲有口感Q彈嘅芋圓！攪拌后茶飲呈現少女粉，入口茶香十足，味道自然清新，微甜不膩！

韻·Cocktail&Whisky Bar

特色飲品：重慶森林

菠蘿、蘋果、青黃檸檬、接骨木花、扁桃仁、紅糖，再加上朗姆酒、原味苦精調配而成。外觀充滿熱帶風情，果味較重，就似飲果汁一樣！

睇完以上咁多款飲品，

大家最鐘意係邊款？

覺得邊一杯至有創意呢？

不如即刻投票，

選出你覺得最正嘅飲品啦！

?

投票截止時間：2019年1月14日00:00

粉絲福利

2020年1月13日前，

《可樂生活》美食大賞兩篇推文中，

留言講出你最支持嘅美食，

前5個最多人like嘅粉絲，

可樂君醒你一份新年小禮物！

記得嗱嗱聲投票啦！

資料來源：現場攝影

商家供圖

編輯：Junko